बाँकेको खजुरागाउँपालिकाका किसान वीरेन्द्रप्रसाद मुराउले व्यावसायिक टमाटरखेतीबाट छोटो समयमै ठूलो आम्दानी गर्दै आत्मनिर्भर बनेका छन् । चार बिघा जमिनमा करिब सात लाख रुपैयाँ लगानी गरेर उनले दुई महिनामै ऋण तिरेका छन् । यस वर्ष टमाटर बिक्रीबाट ६०–७० लाख रुपैयाँ कारोबार हुने अनुमान गरिएको छ । आधुनिक प्रविधिको प्रयोगले उत्पादन बढ्नुका साथै स्थानीय रोजगारीसमेत सिर्जना भएको छ ।