मुस्ताङको लोमान्थाङबाट दुई करोड २४ लाख रुपैयाँभन्दा बढी मूल्यको इलेक्ट्रिक चुरोट बोकेको कन्टेनरसहित एक जना पक्राउ परेका छन् । पुस २८ गते नेचुङबाट सिन्धुपाल्चोकका ३२ वर्षीय पेमा लामालाई नियन्त्रणमा लिइएको हो । चीनबाट अवैध रूपमा ल्याइएका ८० कार्टुन इलेक्ट्रिक चुरोट बरामद गरिएको सशस्त्र प्रहरी, नेपाल प्रहरी र भन्सार कार्यालयको संयुक्त टोलीले जनाएको छ । बरामद सामान भन्सारमा बुझाइएको छ ।